date: 2012 / 2013

22. mai 2012 / zilp-zalp & spargelässe im elsass / 1800 / rest. alte zoll / 1830 parkplaz rosenau schleuse

04. juni 2012 / üebig / 1930 / sw käller

10. auguscht 2012 / nachtässe / 1900 / magte (iiladig kunnt)

04. sebdämber 2012 / ev. gmeinsami üebig / (no in abklärig)

01. oggdoober 2012 / üebig / 1930 / sw käller

27. oggdoober 2012 / herbschtusflug / ca. 1400 / rodersdorf (iiladig kunnt)

05. nòvämber 2012 / üebig / 1930 / sw käller

03. dezämber 2012 / ständeli säulizunft / (no in abklärig)

07. jänner 2012 / ev. marschüebig

19. hòòrnig 2013 / fasi 2013

2012 - vada a bordo cazzo - e ganz e spezielli fasnacht isch es das joor gsii...mir hänn laider im dezämber miessen abschiid näh vom e urgstei vo dr dsp. dr kopf vo villne idee und spinnige süsche. "dr chrigou" isch laider viel z'frieh vo bord und alles riefe "a bordo" hett nüt gnutzt. trotzdäm oder erst rächt hämmer dr zyschdig gnosse und zwar wie no nie. es isch gsi als ebb dr vogt dört oobe mol für oornig gsorgt hett und d'wulgge hett uff d'sytte ruume loh. wohrschiinlig gitts derte jetzt au e dsp! noon em e bsuech am grab vom grischtiaan hett jeede nomoll dief duuregschnuuft und sich denn kopfiiber in d'fasnacht gstirzt. bim gugge-46 uffdritt hämmer wieder emol 's bewährte repertoire mit de iigschwaisste darbotte................. und si wänn is immer no, die geister die ich rief......... wie dr süscheetitel scho sait, hämmer uff jedefall moll e schiff uff d'sytte leege loh und sinn denn mit de youngsters "a bordo" gange. mit apero und dancefloor und e bitzli ballermann, viel azzuro und knallrootes gummiboot, e baar moldawierinne (schöbbeeeee) hämmer dr daag ummebrocht. einzig 's repertoire miesste mr e mol iberdängge, fir as mr 's joor drduur so viel märsch iebe, hämmer relativ weenig kenne zelebriere und d'verschnuufer drummer hänn nid mol kenne bewyysen as si d'celanese und dr drummler glehrt hänn. wo mr denn nomol als dsp ellai underwäggs hän welle e halt am noodlebärg mache hett is fascht dr schlaag droffe, numme zivis und bsoffeni, as me sich als fasnächtler numme no muess apeeble losse und fascht nimm duure kunnt isch nid numme druurig, sondern e schand und e bedriebligen usswuggs wo d'generation "mobile" und " have fun" do zelebriert. villicht isch es an dr zytt in däne dääg mitnander in d'ferie z'raise und die drei scheenschte dääg zum byschpiil uff em e grytzfahrtschiff z'verbringe, oder doch lieber nid. Ich hoff z'mindescht as 's näggst joor wieder scheen wätter isch d'youngsters die märsch doch no lehre und vorallem as mr wieder e tolle zyschdig derfen erlääbe.

  2012.02.04 marschuebig & nachässe in arlesheim