date: 2013

mäntig 06. mai 2013 / 19:30 Shipwrecked inn / iebigstund uff em bogg

mai/juni 2013 / zilpzalp-Usfluug mit spargel-ässe / (infos kemme no)

mäntig 03. juni 2013 / 19:30 Shipwrecked inn / iebigstund uff em bogg

mäntig 01. juli 2013 / 19:30 Shipwrecked inn / iebigstund uff em bogg

mäntig 05. auguscht 2013 / 19:30 Shipwrecked inn / iebigstund uff em bogg

auguscht/sebdämber 2013 / fusbo "frässe-und-suffe-bim-olaf" / (infos kemme no)

mäntig 02. sebdämber 2013 / 19:30 Shipwrecked inn / iebigstund uff em bogg

herbscht 2013 / wildsau-ässe bim sago / (infos kemme no)

mäntig 07. oggdoober 2013 / 19:30 Shipwrecked inn / iebigstund uff em bogg

mäntig 04. nòvämber 2013 / 19:30 Shipwrecked inn / iebigstund uff em bogg

mäntig 02. dezämber 2013 / ständeli säulizumft arleshaim (infos kemme no)

date: 2014

mäntig 06. jänner 2014 / 19:30 Shipwrecked inn / iebigstund uff em bogg

mäntig 03. hòòrnig 2014 / 19:30 Shipwrecked inn / iebigstund uff em bogg

zyschtig 11. mèèrz 2014 / dsp-jubel fasi

2014 / jubel-wuchenänd (infos kemme no)

2013 - pussy riot - d sujet-findig fir d fasnacht 2013 isch ewäng miehsam gsii. bim znacht noch em säulizumft-umgang im dezämber 2012 hänn mer zwor e baar gueti idee ghaa, aber unsere "delegierte", dr stephi, het denn doch nit a d sujet-sitzig kenne goo und unseri vorschleeg in d diskussioon yybringe. esoo hänn die junge under sich s sujet "pussy riot" definiert, aber mir hänn uns däm nadierlig aagschlosse. als glaini dsp-spezialidäät und reminiszänz an unser "joorhundert-sujet" us em 1998, de strumpf-ueli, hänn mer feschtglegt, dass mir uns punk-sturmkappene mit ueli-hörner baschtle. au hyyr sinn mer laider nit im vollbestand gloffe: unsere major peter het us gsundhaitligem grund am zyschtig kai fasnacht gmacht; immerhin bim znacht isch er denn aber derbyy gsii. losglegt hänn mer am nyyni demoorge in der "harmonie". noch zwai kehr "entre nous" hänn mer die junge droffe und mit iine aimool mee uff dr haslersche dachterrasse s herrlige wätter und dr aint oder ander gin-tonic gnosse. dernoo hänn mer zem was waiss ych wievyylte mool s "déjeuner dansant" vo dr gugge 46 eröffnet. d "reemer" hänn e bitzli grumplet, aber dr "ueli" isch no oordlig gsii, und dorum deerfe (oder miesse…?) mer au näggscht joor wieder uff d casino-bihni go rötze. via lampe-usstellig sinn mer denn scho bald ins glaibasel und hänn deert bim "shipwrecked inn" die blaue bögg zuen eme apéro begriesst. zämme hänn mer e feine kehr zem "adler" gmacht. vor em znacht sinn mer noonemool in unsere käller fir e aperöli mit em peter. mir hänn en denn ins "torstübli" drummlet und deert zem wiederhoolte mool sauguet gässe (peter: merci fir dr wyy!!). d seibi strossebängg sinn verbyy koo, und au wenn mer noch zwai wuche charivari iiri väärs uswändig kennt hänn, sinn si um ainiges luschtiger gsii als d spyyrhind wo speeter au sinn koo singe. no im glaibasel hänn mer die junge wieder droffe und sinn mit ene uff e andreasblatz. deert isch e saubuff gsii, gmietlig goot anders. unseri vordrääbler hausi und philipp hänn scho bald emool abgwungge, und au dr roger und dr schibbe sinn verhältnismässig frieh haim gange. d räscht-dsp isch denn speeter im aagfrässene-käller mit de junge in e heftigs feschtli yynegrutscht (stichwort "bohemian rhapsody"!), und rund 48 stund noch em morgestraich isch e wytere guete dsp-zyschtig z änd gange. (thäggscht: wb)